بالبداية نكت عن الحلبية
آل في حلبي صغير نجح بالتاسع أبو بيشتغل لواء آم دبحلو عسكريين ....
آل هادا الحلبي نفسو الصغير ألو لأبو بابا بابا جيبلنا شي عسكريين نربيهم عل سطح ...
آل في سمكة حلبية غرقت ...!!
آل في أخطبوط حلبي صغير راح لعند أمو عم يبكي آلتلو أمو ليش عم تبكي ألا والله ماني عرفان إيدي من رجلي....
آل في حلبي دء لإستعلامات وآل للسكرتيرة عطيني رقم الإطفاء أم آلتلو 999 وسكر الخط .. بعد شوي رد اتصل بالسكرتيرة وألا أنا ماعندي غير 9 وحدة بالتيليفون ... شو أعمل ... ألتلو السكرتيرة أنت حلبي شي ؟؟ أم ألا ياملعونة ومركبة كاشف كمان...!!!
مرة كان في حلبي أحول حط السيكارا عل تخت وشلف حالو من الشباك ....
ومرة تانية أخو لهادا الحلبي الأحول هو أحول متلو أم طلع بالمكرو أم بزق عل شوفير وزت المصاري من الشباك...
آل في جرادة حلبية صار معها عمى ألوان أم صارت تاكل الأحمر واليابس ...
آل مرة الحلبية إيجو بدون يطورو الكومبيوترات قام شالو المروحة وحطو كندشن و آمو الزرار وحطو بدالون سحابات......
آل في فلسطيني تجوز وحدة حلبية آم جابو ولد بيضرب حجار لورا....
واحد حلبي أحول زعل من مرتو آم طلق مرت أخوه ..
حلبي أحول برد بالليل آم غطى أخوه ورجع نام ...
حلبي أخول بعد خمسين سنة عرف وين مصري عم يروحو ... آم طلع عم يصرف عالجيران ..
حلبي أحول فات عل حمام آم ليف الآزان ...
كان مرة تنين حماصنة عم يتخانقو هادا القمر بدر ولا هلال آم مرء حلبي أدامون آم سألوه ... آم ألون والله ماني من هال حارة.....
تنبن حلبية فلاحين عم يلعبو شطرنج آم الأول آل للتاني أتلتلك الحصان ... آم راح التاني ورجع بعد نص ساعة وآل لرفيئو سممتلك البهايم كلها....
آل لما حطو إشارات المرور في دمشق آم مرء سائق حلبي وسأل واحد شامي و ألو لشو هدول ؟؟
آم الشامي آلو الضو الأخضر للشوام و الأصفر للحماصنة والأحمر للحلبية ...
آم هادا الحلبي شاف ناح الإشارة الحمرة العالم كلها واقفة آم هو ضل مكمل طريقو ...
آم شرطي المرور صفرلو للحلبي منشان يعطي مخالفة آم الحلبي طلع راسو من الشباك
وآل بصوت عالي ولك أنا حلبي حلبي ... آم ألو شرطي المرور لكان كمل طريقك...
آل مرة في حلبي وشامي وحمصي آل الحمصي نحنا حفرنا بحمص 300 متر آم لقينا خطوط تيليفون
معناتا نحنا استعملنا التيليفون من 300 سنة آم آل الشامي ونحنا حفرنا 400 متر ولقينا
خطوط تيليفون معناتا نحنا استعملنا التيليفون من أربعميت سنة .... آم آل الحلبي نحنا
حفرنا 1000 متر وما لقينا شي .... آم صفن شوي بعدين آل معناتا نحنا استعملنا الاسلكي من ألف سنة..
آل في حلبي أكل خمسين كف بالغدر ....
آل في حلبي راح لعند دكتور شامي وألو يادكتور أنا كل ما أشرب شاي عيني بتوجعني آم آل الدكتور
للحلبي إيه بس تشرب شاي تاني مرة شيل المعلئة منها....
آل مرة الحلبية خفرو خمسميت متر تحت الأرض آم لئو بطل العالم بالطميمة...(لعبة التخباية) ...
آل في تنين حلبية راحو لعند حلاق شامي وكانو مسرعين آم واحد خفف والتاني فات بالواجهة ....
آل مرة رايحين كروب سياحي من الشام لحلب آم شافو أرنب عم يركد و حلبية لاحئينو ..
آمو سألوه ليش هربان من حلب وليش الحلبية لاحقينك ...؟؟
ألون أنتو سمعانين شي بمرض جنون البقر ..؟؟ آلولو طبعن .. بس أنت شودخلك ؟؟؟!!
آم ألون الأرنب إيه قولو هل شي للحلبية ما عم يصدقو ...!!
آل حلبي نحيف تجوز حلبية نحيفة آم جابو ولد بيطلع من بخش الباب بعينتين ...
آل خمس حلبية صغار عملو شلة آم سموها الفرسان الثلاثة .....
آل في حلبية تنين تنابل كانو عم يلعبو شطرنج آم عضلو إيديهون ....
آل ليش الحلبي لما دعست السيارة أصبعتو مات؟؟؟ لأنو كان داحش أصبحتو بأنفو ....
آل مرة وحدة عجوز حلبية كانت عم تتحمم آم تزحلطت بالحمام و عملت بالهوى دبل كيك آم شحطوها عل منتخب
آل مرة مزيعة عملت مقابلة مع حلبي متعصب آم ألتلو شو بتحب تسمع هلأ آم ألا مقطع من آذان المغرب....
آل مرة عصابة شوام أقتحموا بيت حلبية ختيارة مهرهرة آم ربطو الختيارة بالحمام ودورو وفتشو وبحبشو ومالاقو شي ... آم سرقو ساعة الحيط !! ... آم وهنن طالعين آلتلون الختيارة الحلبية إية شو مافي إغتصاب؟؟؟
عشر حلبية عم يتعلمو يربطو الكرافة آم 9 ماتو و 1 حالتو مخطرة ....!!
آل مرة حشاش حلبي مركب باب بيتو منشان يفتح لبرا (بالعكس) آم مرة رجع بنص الليل آم فتحتلو مرتو
آم ألا وين كنتي لهلأ؟؟!!
آل مرة اجتمعوا أطباء سورية على أنو يعملو أكبر مشفى مجنين بالشرق الأوسط آم راحو سقفوا حلب ..!!
(عملولها سقف)..
آل في حرامي حلبي قرر يتوب و يعمل شي منيح آم بنا مدرسة وبدال ما يفتحها خلعها ...!!
آل في حلبي درس بصف فاضي آم طلع التاني عل صف...!!
هههههههه آل في واحد حلبي و واحد عادي...!!
آل في حلبية حبت تشطف آم تشطف ما حبها ...!!
آل واحد حلبي راح ع أفريقيا بلليل آم مالقى حدا فيها آم رجع ...!!
آل ليش الحلبي بيسكر البراد شوي شوي ؟؟ منشان يعرف مين عم يطفي الضو ...!!
آل شلة حلبية مفلسين مامعون مصاري آم قررو يسطوا على بنك آم راحو سرئو خوذات وآسلحة وقنابل
وحددو ساعة الصفر واقتحموا البنك آم بس فاتو آلو الكل يرفع إيدو ويعبي المصاري بهال شنتاية
آم في واحد آعد بالزاوية فقع من الضحك آم آلولو الحلبية ليش عم تضحك ولا .. آم ألون هلأ أنتو
مو من حلب آم آلولو إيه شو عرفك ..؟؟ آم ألون ياجدبان هادا بنك دم وبنك مصاري...!!
آل كيف بتعرف إنك عم تسوق بحلب ؟؟ آل بس تقرأ إشاره بتئول إنتبه خلفك مطب...!!
حلبي غليظ تجوز حلبية غليظة آم جابو ولد عامل حالو ميت ..!!
هلأ نكت على الحماصنة
حمصي إتصلت به خطيبته وقالت له أهلي مسافرين والبيت فاضي شو رأيك قال لها: إقرئي قرآن ولا تخافي.
· في حمصيين بمقابلة عالتلفزيون سألت المذيعة الأول : سوريا بالنسبة إلك شو؟ جاوبها سوريا أمي. سألت التاني سوريا بالنسبة إلك شو؟ قال مابقدر إحكي على أم رفيقي.
· حمصي وقع عالدرج عطوه مرهم قالوله ادهن مكان الاصابة راح دهن الدرج.
· حمصي تاجر مخدرات نزل إعلان بالجريدة: عنا طحين من اللي بالي بالك.
· كان في حمصي وهو ماشي إنشقت شحاطته قام راح خيطها عند الكندرجي بعد أسبوع شافها تحسنت قام فك الخياطه.
· حمصي سأل بنتو: وينك لهلق؟ قالتلو: اغتصبوني يا بابا. قالها: اي هي كلها ساعة وبعدين وين رحتي؟؟؟؟؟؟؟؟؟؟؟؟؟؟؟؟؟؟؟؟
· حمصي قالوله في الصين كل دقيقة بينولد واحد قال شو هالتطور نحنا كل 9 أشهر مرة.
· القت الشرطة السعودية على مجموعة من الحماصنة في الرياض عندما اكتشفتهم يصلون الجمعة يوم الاربعاء.
· حمصي ضيع حماره رجع لبيته زعلان قالتلو مرته لا تزعل دخلتك علي تسوى عشرين حمار.
· حمصي فات على الحمام شاف اشاطة ام قال : ولى كل هي شفرة حلاقة.
· قال في حماصنة عم يعملوا مظاهرة ضد أمريكا. قام لبسوا واحد صورة بوش وحرقوه.
· قال في حماصنة عم يلعبوا ( الغميضة) مع بعضهم ... قام ضاعوااااا
· في واحد حمصي هديتو حبيبتو ببغاء.. و شافتو حبيبتو بعد يومين و قالتلوا حبيبي كيف الببغاء ..قلا: متلو متل الفروج.
· في واحد حمصي سالو شو رايك بالزواج المبكر قال: يعني اي ساعة؟
· واحد حمصي لغى الموعد مع الدكتور لانه كان مرضان.
· كان في واحد حمصي قال له صاحبه شفت مبارح مرتك راكبة مع رجل غريب بسيارتك وعم بتسوق بسرعة رد الحمصي : مش مشكلة هي بتعرف تسوق منيح ....
· حمصي اشترى خليوي... مرة كان جالس عندخطيبته فجاة رن الخليوي وبعد ما خلص كلام على الخليوي مع رفيقه قال!؟ عجيبي يه شو عرفو إنو أنا هون.
· في ثلاثة حماصنة سرقو بنك ..عجزو عن عد المصاري قالوا آآآي بكرة نعرف من الجرايد
· في واحد حمصي راح يخطب وحده قام الولو اهلها والله البنت عم تدرس فاجاب الحمصي : طيب برجع بعد نص ساعة .
· كيف تجعل الحمصي يقرأ رسالة إلى الأبد؟؟؟ أكتب على الوجهين "إقلب الورقة"
· شو آخر اختراعات الحماصنة...؟؟ بيل يعمل على الطاقة الشمسية...
· في واحد حمصي اول مره بحياتوا بياكل علكه قام حلف يمين ما ينام الليل الا لما يخلصها.
· قال في حمصي صغير سأل امه: ماما بس يكبرو رفقاتي مع مين بدي العب
· قال 100 حمصي عميدهنوا باص, واحد ماسك الفرشاية او 99 عبيحركوا الباص
· في واحد حمصي دخل الى الصيدليه ومعه التيكو وعينه مسكره قال للصيدلي: في احسن من هل قطره؟
· وقف الحمصي امام المراية قام قال مدري وين شايف هالوش قام بعد شوي تذكر انوا شايفوا عند الحلاق
· حمصي عندو سبع ولاد سمى حالو سفن أب
وهلأ دور الشوام
شامي راح يسجل ابنه بمدرسه خاصة قالوا له السنه بـ 3000 والباص بـ500 قال أصبح سجلوه بس في الباص
-----------------
شامي طلبوا منه يتبرع لبناء سور للمقبرة. قال لهم : عمرنا ماشفنا ميت هرب
-----------------
شامي مات, فتحوا أولاده الوصية لقوا مكتوب فيها ( لاتغسلوني امبارح عملت دوش)
-------------------------------
شامي نجح راح لعند أبوه قلّو:
بابا نجحت قام عطاه عشر ليرات وقالو:
روح اشتري بيبسي ...
اجى ابنه الثاني قالو بابا أنا كمان نجحت قالو: يللا خذ لك شي كاسه فاضية بسرعه والحق اخوك.
-------
مرة واحد شامي قال لمرتو شورأيك نعمل جمعية ..
قالت : كيف ؟؟
قال لها كل يوم أبوسك بوسة وبعطيكى مائة ليرة
فوافقت ..
فأجى آخرالشهر لقى معاها تسعة آلاف ليرة .. !!
فسألها : من وين التسعة آلاف ليرة ؟؟
فقالتله : اسكوت ابو ابراهيم جارنا دخل معانا-----------------
مع تحيات حمصي عم بفش قلبو من الشوام!!!!!
وهلأ دور الحموية
حموي دخل المسجد وسأل الشيخ لمين المسجد؟؟،الشيخ: إلنا كلنا، الحموي: أنا بدي بيع حصتي
حموي بيرجم ابليس في الحج و هو ملثم سالوه ليش ؟قالهم : يمكن احتاجو
حموي حامل كيس سمك، لاقى رفيقو قاله : اذا بتحزر شوفي بالكيس بعطيك منه سمكة...قاله : البحر
حموي قتل حماته، الظابط بيسأله اسمك ايه؟ قاله :اكتب فاعل خير
خروف حموي سأل زميلو : مر عيدين وما دبحوك، ليش؟ ردعليه: لأني مسجل بشهادة الميلاد حمار
حموي دخل بنك وقال: الكل منبطحينً، كلهم إنبطحوا إلا واحد تم قاعد وعم يضحك، قلو الحرامي: يخرب بيتك ليش عمتضحك،
رد:انت أصلك حموي .. صح؟ قال الحرامي: آه كيف عرفت؟؟..قال لأنه هذا بنك دم
حموي سمع انه 100 واحد ماتو بالحج قال يارب يكونوا يهود
حموي حكموا عليه بالإعدام شنقا وهم بشنقوه أشرلهم بأيدو... بعد ما
نزلوه قلهم: والله كنت رح أموت
حموي ماشي مع صاحبته شافت ابوها قالها قولي لهاني اخوكي
نكت عن الحوارنة
حوراني كان في لبنان راح لعند واحد دق عليه الباب فطلعت مرت اللبناني قال لها/طوني/موجودفقالت له( باللهجه اللبنانيه) منوش هون.... فقال الحوراني يالله بنقعد مع منوش حتى يجي طوني.....
ال في مجموعة علماء حوارنة قرروا أنو يعملوا أبحاث على ضفدع
آم قطعوا له أول رحل وقالوا له نط آم نط
آم قطعوا له تاني رجل وقالوا له نط آم نط
آم قطعوا له ثالث رجل وقالوا له نط آم نط
آم قطعوا له الرجل الرابعة وقالوا له نط آم ما نط
فكتبوا ملاحظة: أنو إذا قطعت الرجل الرابعة للضفدع
فإنه يفقد حاسة السمع
________________________
قال حواراني شو اسم وزير الصحة الياباني ؟ اسمو: يا ماما ايدي واوا
________________________
وحدة حورانية وقفت شوفير تكسي
سألها لوين رايحة
قالتلو انا جوزي ما بيسألني حتى انت تسألني
________________________
الحوراني نفسو رد سأل شو اسم وزير الاتصالات الايراني ؟
تلفنتلو راسن جاني
________________________
حوراني طلع اصلع من عند حلاق حمصي ليش ؟
لانه كل ما يساله شو رايك ؟ يرد: ماقصرت
_________________________
آل في جحش حوراني آلو لأبوه: بابا بابا متى سأكبر و أصير حمار مثلك
_________________________
في واحد حوراني ضرسو كان يوجعه راح على الدكتور قاله اخلع كل اسناني وخلي الضرس لوحدو
________________________
في حوراني معاه قنبلة , قام قللو رفيقو لك انتبه لا تنفجر
اجا رد عليه لا تخاف معي غيرا
_________________________
حوراني فات على محل . سأل البياع عندك دوا صراصير .
ألو البياع الحمصي : ليش خير من شو بيشكوا .؟
________________________
نفس الحوراني سأل مرة تالتة شو اسرع من انو دق لصاحبك و تخبرو شي شغلة على موبايل شبكة 094؟
تروح لعندو و تخبرو شخصيا
________________________
الحوراني الأول ليش مافي تين بالأرجنتين
الحوراني الثاني لأنها من البلاد اللاتينية
________________________
في واحد حوراني كان عم يدهن الباب قالتلو امو لك يا ابني حط تحتك جريدة قام قلا معليش ياماما بوصل
________________________
قال في اتنين حوارنة أذكياء راحوا علي نيويورك, قام أستئجروا شقة في الدور المية .بعد شوية نزلوا يشتروا أغراض و لما رجعوا كان المصعدمعطل قام طلعوا علي الدرج وعند الطابق 99 قال الأول لا التاني بدي خبرك خبرين واحد حلو و التاني بشع.الخبر الحلو قربنا نصل والخبر البشع انا هي مو بينايتنا.
________________________
نفس الحوراني للمرة الرابعة سأل شو أسم وزير الزراعة الايراني ؟؟؟
زارع أكبر بيتنجاني
_________________________
الحوراني لرفيقو:ليش كلما بسألك سؤال بتجاوبني عليه بسؤال؟؟؟
-رفيقو للحوراني :إيه ليش لأ؟؟؟
________________________
السؤال الخامس للحوراني أف ما كان يخلص أسئلة: مين بطل العالم بالطميمة؟
اسامة بن لادن!
__________________________
قال كان في واحد حوراني ماشي بالشارع أم شاف بالطريق رفيقو الحمصي كان حامل على أيدو سلة تفاح
فقال لرفيقو:"السلام عليكم"
فرد عليه رفيقو:"هيك"
فقال له الحوراني:"أنا قلتلك( السلام عليكم) ليش جاوبتني بكلمة (هيك)؟
فجاوبه رفيقو:"خييو الشغلة واضحة يعني أنا بعرف بدي أجاوبك(و عليكم السلام)
بعدين بدك تسألنيشو معك)؟
و رح جاوبك :"سلة تفاح"
و رح تقلي:"عطيني تفاحة "
و رح أقلك:لألأ
و رح تسألني ليش
و رح أقلك (هيك)…
_________________________
أف هاد السؤال السادس :قال شو اسم وزير الكهرباء الياباني..؟؟؟؟
ياماكنطك ياما..!!
_________________________
كان في مرة اتنين حوارنة الو الأول للتاني قل لي من تعاشر اقل لك من أنت قام الو التاني من تعاشر ؟؟الو الأول من أنت
________________________
في حوراني وابنه ماشيين بحماه قامو شافو النواعير
اجا قال الأب لأبنو : بابا ! ركبني بدولاب الهوا
قللو أبوه: يخرب زوء شيطانك شو انك.... مو شايف عم بغسلوهن
هههههههه انشالله يعجبوكم
وبتمنى من كل الي بيقرأ الموضوع
بدون زعل او مدايقة
الموضوع عبارة عن فكاهة وتسلية فقط
لكم خالص ودي وتحياتي
اليومية
موضوع: More1 موسوعة النكت السورية 
الأحد أغسطس 15, 2010 10:34 pm
